Page 64 - ANPE adscrición e xornada díptico

DEREITOS DA PERSOA INTERESADA NO PROCEDEMENTO
ADMINISTRATIVO
LEI 39/2015, DO 1 DE OUTUBRO, DO PROCEDEMENTO ADMINISTRATIVO
COMÚN DAS ADMINISTRACIÓNS PÚBLICAS (BOE NÚM. 236, DO 2 DE
OUTUBRO). ARTIGO 53
a) A coñecer, en calquera momento, o estado da tramitación dos procedementos
nos que teñan a condición de interesadas; o sentido do silencio administrativo que
corresponda, no caso de que a Administración non dite nin notifique resolución
expresa en prazo; o órgano competente para a súa instrución, de ser o caso, e reso-
lución; e os actos de trámite ditados. Así mesmo, tamén terán dereito a acceder e
a obter copia dos documentos contidos nos citados procedementos.
Quen se relacione coas administracións públicas a través de medios electrónicos
terá dereito a consultar a información á que se refire o parágrafo anterior no punto
de acceso xeral electrónico da Administración, que funcionará como un portal de
acceso. Entenderase cumprida a obrigación da Administración de facilitar copias
dos documentos contidos nos procedementos mediante a posta ao dispor destas
no punto de acceso xeral electrónico da Administración competente ou nas sedes
electrónicas que correspondan.
b) A identificar as autoridades e ao persoal ao servizo das administracións públicas
baixo cuxa responsabilidade se tramiten os procedementos.
c) A non presentar documentos orixinais salvo que, de maneira excepcional, a nor-
mativa reguladora aplicable estableza o contrario. No caso de que, excepcional-
mente, deban presentar un documento orixinal, terán dereito a obter unha copia
autenticada deste.
d) A non presentar datos e documentos non esixidos polas normas aplicables ao
procedemento de que se trate que xa se atopen en poder das administracións
públicas ou que fosen elaborados por estas.
e) A formular alegacións, utilizar os medios de defensa admitidos polo ordenamento
xurídico e a achegar documentos en calquera fase do procedemento anterior ao
trámite de audiencia, que deberán ser tidos en conta polo órgano competente ao
redactar a proposta de resolución.
f) A obter información e orientación sobre os requisitos xurídicos ou técnicos que
as disposicións vixentes impoñan aos proxectos, actuacións ou solicitudes que se
propoñan realizar.
g) A actuar asistidos por un asesor ou asesora cando o consideren conveniente en
defensa dos seus intereses.
h) A cumprir as obrigacións de pagamento a través dos medios electrónicos previstos
no artigo 98.2.
i) Calquera outro que lles recoñezan a Constitución e as leis.
Lei 19/2013, do 9 de decembro, de transparencia, acceso á información pública e
bo goberno.
Lei 1/2016, do 18 de xaneiro, de transparencia e bo goberno.

62