Page 68 - ANPE adscrición e xornada díptico

Unha persoa funcionaria de carreira do corpo de profesores técnicos de formación
profesional con quince anos de servizo accede ao corpo de profesores de ensino
secundario e leva tres de servizo neste corpo. Pode presentarse ao concurso de méri-
tos para acceso á dirección?

Si. Neste intre non se esixe ter unha antigüidade de, polo menos, cinco anos no corpo
da función pública docente desde o que se opta. O requisito é ter unha antigüidade de
polo menos cinco anos como persoal funcionario na función pública docente.

Unha persoa funcionaria de carreira do corpo de profesores de ensino secundario,
reúne o requisito para ser candidata á dirección dunha escola oficial de idiomas?

En principio, non. Un dos requisitos para presentarse á dirección dun centro docente
público é “exercer funcións docentes como persoal funcionario, durante un período
de polo menos cinco anos, nalgunha das ensinanzas das que ofrece o centro ao que
se opta”.

Unha persoa funcionaria de carreira do corpo de mestres que preste servizos nun
instituto nos dous primeiros cursos da educación secundaria obrigatoria reúne o
requisito para ser candidata á dirección?

Si, reúne o requisito de exercer funcións docentes como persoal funcionario, durante
un período de polo menos cinco anos, nalgunha das ensinanzas das que ofrece o
centro ao que se opta.

E se a persoa do corpo de mestres que presta servizos no instituto é da especialidade
de Pedagoxía Terapéutica ou de Audición e Linguaxe?

Tamén. Así se recolle expresamente no artigo 4.1.c) do proxecto de decreto polo que
se regula a selección, nomeamento e cesamento das direccións dos centros docentes
públicos que imparten as ensinanzas reguladas na LOE.

O persoal funcionario de carreira do corpo de mestres e do corpo de profesores de
ensino secundario reúne os requisitos para presentar candidatura á dirección dun
centro público integrado?
Si, porque nestes centros impártese tanto o nivel de educación primaria como o nivel
de educación secundaria.

O persoal docente que estea en comisión de servizos na Consellería de Cultura, Edu-
cación, Formación Profesional e Universidades reúne o requisito para presentar a
candidatura á dirección?

Si. Incluso pode presentarse o persoal que non estea prestando servizos, como é o
caso dos que están na situación de excedencia voluntaria.

66