Page 52 - ANPE adscrición e xornada díptico

E os que superen os estudos superiores de Música ou de Danza despois da entrada
en vigor da LOMLOE?
O artigo 54 da Lei Orgánica 3/2020, do 29 de decembro, establece que “o alum-
nado que superara os estudos superiores de Música ou de Danza obterá o título de
grao en Ensinanzas Artísticas Superiores de Música ou Danza na especialidade que
corresponda, que será equivalente, para todos os efectos, ao título universitario de
grao. Sempre que a normativa aplicable esixa posuír o título universitario de grao,
entenderase que cumpre este requisito quen posúa o título de grao en Ensinanzas
Artísticas Superiores de Música ou Danza.

No caso dos idiomas modernos, as probas deben desenvolverse no idioma corres-
pondente?
Si. O artigo 20.2 do Real decreto 276/2007, do 23 de febreiro, establece que “todas
as probas das especialidades de idiomas modernos nos corpos de mestres, de pro-
fesores de ensino secundario, e de profesores de escolas oficiais de idiomas desen-
volveranse no idioma correspondente”.
Ademais, a programación didáctica deberá realizarse no idioma correspondente.

Podo presentarme ao concurso-oposición, na mesma especialidade, pola quenda libre
e pola reserva de prazas do subgrupo A2 ao subgrupo A1?

Non. O artigo 15 do Real decreto 276/2007 establece que “ningunha persoa aspirante
poderá presentarse, dentro dunha mesma convocatoria, a prazas dun mesmo corpo
e especialidade correspondentes a distintas quendas de ingreso ou accesos entre
corpos de funcionarios docentes”.

50