Page 130 - ANPE adscrición e xornada díptico
P. 130
Unha persoa funcionaria de carreira do corpo de mestres con dous anos de servizo
como persoal funcionario de carreira e outro como persoal interino reuniría o requi-
sito para solicitar a excedencia voluntaria por interese particular?
A consellería competente en materia de educación entende que se pode conceder
dado que a lei esixe un mínimo de tres anos de servizos efectivos inmediatamente
anteriores á solicitude, pero non establece taxativamente que sexan prestados como
persoal funcionario de carreira.
Ademais, entende que resultaría de aplicación a Directiva 1999/1970.
Cal é a situación administrativa do persoal funcionario de carreira que pase a prestar
servizos noutro corpo como persoal interino?
O persoal funcionario de carreira que pase a prestar servizos como persoal interino
noutro corpo en calquera Administración pública, organismo, axencia ou entidade do
sector público será declarado na situación administrativa de excedencia por interese
particular.
Cal é a situación administrativa do persoal funcionario de carreira do corpo de mes-
tres que promociona ao corpo de profesores de ensino secundario?
Excedencia por prestación de servizos no sector público, salvo que lle corresponda
quedar noutra.
No caso de excedencia por coidado dun fillo ou filla, existe o dereito á reserva do
posto de traballo durante a duración de toda a excedencia?
O posto de traballo que se ocupe con carácter definitivo resérvase durante toda a
duración da excedencia. Se se ocupa un posto de traballo con carácter provisional,
a reserva manterase mentres o posto non se cubra por outro procedemento de pro-
visión previsto na lei.
O gozo da excedencia por coidado de fillo ou filla pode ser interrompido?
Si, a lei prevé que se poderá facer uso deste de forma fraccionada.
O gozo da excedencia por coidado de fillo ou filla de forma interrompida pode levar a
que teñamos dereito a esta excedencia cando o fillo ou filla supere os tres anos, se
levamos gozado menos tempo desta excedencia?
Neste caso a lei prevé un réxime diferenciado para a excedencia por coidado de
fillos/as e a excedencia por coidado de familiares de primeiro e segundo grao de
parentesco.
En ambos os dous casos a excedencia ten unha duración máxima prevista de tres
anos pero na excedencia por coidado de fillos e fillas establécese un día concreto de
128
