Page 123 - ANPE adscrición e xornada díptico
P. 123
E coa percepción da consolidación do complemento específico correspondente ao
exercicio da dirección?
Si.
O persoal docente, se cumpre un trienio prestando servizos a tempo parcial, cando
pase a xornada completa, percibe a contía do trienio completa ou parcial?
Completa.
O profesorado que imparte ensinanzas de adultos en centros ordinarios terá dereito
a percibir unha compoñente do complemento específico?
Non. Na orde pola que se ditan instrucións para a confección de nóminas establécese
un complemento para o profesorado que imparte docencia en centros específicos de
ensinanzas de adultos.
É compatible a percepción da compoñente do complemento específico polo desem-
peño da xefatura de departamento e por impartir docencia en centros específicos de
ensinanzas de adultos?
Non. É incompatible percibir máis dunha compoñente singular do complemento espe-
cífico polo desempeño de órganos unipersoais de goberno e polo desempeño de
postos de traballo docentes singulares. Neste caso, os dous son postos de traballo
docentes singulares.
É compatible a percepción da consolidación parcial do complemento específico das
direccións dos centros escolares públicos e do complemento específico correspon-
dente á xefatura de departamento?
Si. O proxecto de decreto polo que se regula a selección, nomeamento e cesamento
das direccións establece que “o complemento específico correspondente á consoli-
dación parcial deste complemento polo exercicio da dirección será incompatible coa
percepción da compoñente singular do complemento específico pola titularidade de
órganos unipersoais de goberno e co desempeño de postos de traballo docentes
singulares que teñan asignada unha contía superior á establecida para as xefaturas
de departamento”.
O persoal funcionario docente que estea prestando servizos nun centro educativo ou
na inspección educativa, e teña consolidado o nivel 30 ten dereito a percibir como
compoñente xeral do complemento específico o establecido para o nivel 30?
Non. Ten consolidado o nivel de complemento de destino, pero non se consolida o
específico. Percibirá como compoñente xeral do complemento específico o corres-
pondente ao seu corpo.
121
