Page 118 - ANPE adscrición e xornada díptico

RECOÑECEMENTO DE ESPECIALIDADES DO PERSOAL
FUNCIONARIO DE CARREIRA DO CORPO DE MESTRES.
PROCEDEMENTO CÓDIGO ED020A

Son persoal funcionario en prácticas. Podo solicitar o recoñecemento de especialidades?

Non, soamente pode solicitar o recoñecemento o persoal funcionario de carreira.

Que é preciso para o recoñecemento?
Posuír algunha das titulacións ou requisitos que figuran no anexo do Real decreto
1594/2011, do 4 de novembro, polo que se establecen as especialidades docentes do
corpo de mestres que desempeñen as súas funcións nas etapas de educación infantil e
de educación primaria reguladas na Lei orgánica 2/2006, do 3 de maio, de educación.

É obrigatorio presentar a solicitude electronicamente?
Si, o artigo 3 da Orde do 23 de xuño de 2020 establece que se presentarán obrigatoria-
mente por medios electrónicos mediante o procedemento normalizado código ED020A.

Teño que presentar algunha documentación?

Non se xa consta no seu expediente persoal a titulación ou os requisitos esixidos. En
caso contrario, deberá achegar a documentación necesaria para o recoñecemento.

Cal é o prazo de presentación de solicitudes?
Durante os meses de xuño e setembro.

Teño que solicitar o recoñecemento da especialidade de Primaria?
Non, a especialidade de Educación Primaria seralle recoñecida de oficio pola Adminis-
tración educativa ao persoal funcionario de carreira do corpo de mestres que posúa
algunha das titulacións que para esta especialidade se determinan no anexo do Real
decreto 1594/2011, do 4 de novembro.

Posúo a titulación de grao en Educación Primaria pola Universidade de Vigo e obtiven
a mención de Educación Especial nunha universidade distinta. Como podo acreditalo?

Neste caso será preciso que se acredite coa titulación de grao e a certificación aca-
démica da universidade na que obtivo a mención onde conste a superación desta.

116