Page 121 - ANPE adscrición e xornada díptico

REHABILITACIÓN DA CONDICIÓN DE PERSOAL FUNCIONARIO

En que supostos é posible a rehabilitación da condición de persoal funcionario?
• Concesión preceptiva sempre que se acredite a desaparición da causa que motivou
a perda da condición de persoal funcionario:
a) Cando se recupere unha nacionalidade que permita o acceso ao corpo ao que
se pertenceu.
b) Cando desapareza a incapacidade que motivou a perda, no caso de xubilación
por incapacidade permanente para o servizo. Neste caso reservarase o posto
de traballo que ocupase con carácter definitivo se se presenta a solicitude de
rehabilitación antes de dous (2) anos desde que se extinguiu a relación de ser-
vizo como consecuencia da xubilación por incapacidade permanente.
• Concesión potestativa (carácter excepcional e por solicitude da persoa interesada):
No suposto de condena á pena principal ou accesoria de inhabilitación, atendendo
ás circunstancias e entidade do delito cometido.
Esixe un informe favorable previo do órgano ao que lle correspondan as funcións
de asesoría xurídica, oído o órgano de representación do persoal funcionario, e
motivación da rehabilitación.
Transcorrido o prazo de tres meses, a solicitude de rehabilitación poderá enten-
derse desestimada.

RESPONSABILIDADE CIVIL

Segundo o artigo 36 da Lei 40/2015, do 1 de outubro, ante quen se esixe a responsa-
bilidade patrimonial da Administración pública?
Este artigo determina que, para facer efectiva a responsabilidade, se lle esixirá direc-
tamente á Administración pública correspondente as indemnizacións polos danos e
prexuízos causados polas autoridades e persoal ao seu servizo.

No caso de acudir aos tribunais de xustiza, ante que xurisdicción se demanda a res-
ponsabilidade patrimonial?
O artigo 2e) da Lei 29/1998, do 13 de xullo, reguladora da xurisdición contencioso-ad-
ministrativa, establece que a orde xurisdicional contencioso-administrativa coñecerá
das cuestións que se susciten en relación coa responsabilidade patrimonial das admi-
nistracións públicas calquera que sexa a natureza da actividade ou o tipo de relación
de que derive, non podendo ser demandadas aquelas por este motivo ante as ordes
xurisdicionais civil ou social, aínda cando na produción do dano concorran con parti-
culares ou conten cun seguro de responsabilidade.

119