Page 124 - ANPE adscrición e xornada díptico

Se gozamos dun permiso sen soldo durante dous meses, percibiremos completa a
paga extraordinaria?
Non. Reducirásenos na parte proporcional aos servizos non prestados.

O persoal funcionario do corpo de mestres da especialidade de Pedagoxía Terapéutica
que obteña un destino definitivo ou provisional nun instituto de educación secundaria
ten dereito a percibir o complemento específico correspondente á diferenza entre os
niveis 24 e 21?
Non. Sentenza do Tribunal Superior de Xustiza de Galicia de 18 de xullo de 2012 (STSJ
GAL 6551/2012).

No suposto dun departamento unipersoal, se a persoa que desempeña a xefatura
de departamento é nomeada cargo directivo, percibiríanse os dous complementos?
Non. Son complementos incompatibles.

O persoal docente funcionario de carreira que supere os 90 días de licenza por enfer-
midade terá dereito a que se lle complemente a contía aboada por MUFACE para
acadar o cen por cento das retribucións?
Si. Na orde de instrucións de nóminas establécese que “durante o ano 2022 os/as
traballadores/as en situación de licenza por enfermidade ou incapacidade temporal
percibirán un complemento retributivo desde o primeiro día da devandita situación
que, sumado á prestación do réxime da Seguridade Social ou do réxime de mutua-
lismo administrativo, acade o 100 % das retribucións fixas do mes anterior á baixa”.

Para os efectos retributivos dos órganos unipersoais de goberno dos centros edu-
cativos, e determinar o tipo de centro, nos centros de educación infantil e primaria,
ademais das unidades que de dereito lle correspondan ao centro, computaranse aque-
las que teña habilitadas?
Si. A Circular 1/1996 foi modificada pola Resolución da Dirección Xeral de Centros e
Recursos Humanos do 1 de outubro de 2012.

122