Page 28 - ANPE adscrición e xornada díptico

Son persoal funcionario interino en excedencia por coidado de familiares. Estou obri-
gado a participar?
Si, debe participar na convocatoria e, no caso de obter destino, solicitar, se o desexa,
unha nova excedencia, que lle será autorizada de reunir os requisitos para a súa
concesión.

Teño concedida unha comisión de servizos. Podo participar no concurso de adxudi-
cación de destinos provisionais?

Non, agás que se trate dunha de comisións de servizos por razóns de saúde, de con-
ciliación da vida familiar e laboral e por concelleiro ou concelleira.

Son persoal obrigado a participar no concurso e non formulei a solicitude no prazo
establecido. Que acontece neste suposto?
Neste caso, se ten presentada electronicamente unha solicitude no procedemento
ED002B con anterioridade, recupérase a solicitude anterior para a adxudicación. No
caso de que non conste ningunha presentación electrónica anterior, a Administración
elaborará de oficio unha solicitude onde unicamente constarán as provincias. A orde
das provincias será por orde crecente de código (15, 27, 32, 36)

Son persoal funcionario en prácticas do corpo de mestres. Participo no concurso coa
especialidade de primaria?

Si, o persoal funcionario en prácticas do corpo de mestres que sexa nomeado o 1 de
setembro do ano en curso persoal funcionario de carreira participará no concurso coa
especialidade que posúe e ademais coa especialidade de Primaria sempre que reúna
os requisitos para obter a devandita habilitación de conformidade co establecido no
Real decreto 1594/2011, do 4 de novembro.

Son persoal funcionario en prácticas do corpo de mestres. Podo solicitar vacantes
de Orientación?

Si, sempre que posúa algunha das seguintes titulacións: licenciatura de Psicopeda-
goxía, licenciatura ou grao de Pedagoxía, Psicoloxía, ou licenciatura en Filosofía e
Ciencias da Educación (especialidades de Psicoloxía ou Ciencias da Educación) ou en
Filosofía e Letras (especialidades de Pedagoxía ou Psicoloxía).

Acabo de aprobar o procedemento selectivo. Podo participar a prazas de Orientación?

Si, ademais da especialidade pola que aprobe, sempre que posúa algunha das titula-
cións que se refiren no apartado anterior.

26