Page 17 - ANPE adscrición e xornada díptico

A miña parella é persoal docente tamén. Podemos solicitar ambos os dous a comisión?

Non, só se permite a solicitude por unha das persoas integrantes da parella de feito
ou dos cónxuxes.

Teño concedida a custodia compartida por sentenza xudicial. Poden as dúas persoas
proxenitoras solicitar a comisión?
Si, neste caso as dúas persoas proxenitoras poden solicitar a comisión.

É obrigatoria a presentación electrónica da solicitude?

Si, é obrigatorio presentar a solicitude e a documentación por medios electrónicos
no procedemento código ED010A.

Como debo formular as peticións?

En primeiro lugar, hai que solicitar peticións aos centros e/ou localidades nun radio de
20 km de distancia á localidade de residencia. Unha vez formuladas estas peticións,
poderanse solicitar outros centros e/ou localidades.

Teño obriga de solicitar un centro penal que está a 20 km da miña localidade de residencia?

Non, os centros penais, os centros de educación permanente de adultos e os centros
ordinarios en que se imparten ensinanzas de adultos e aqueles centros en que se
imparten ensinanzas en réxime de xornada partida serán de solicitude voluntaria.

Cal é o prazo para formular as solicitudes?
10 días hábiles contados a partir do día seguinte ao da publicación da resolución do
concurso xeral de traslados no Diario Oficial de Galicia.
Nos anos en que se convoque o concurso xeral de traslados de ámbito estatal e se
resolva por corpos en distintas datas, o prazo contarase a partir do día seguinte ao da
publicación da resolución do último concurso de traslados no Diario Oficial de Galicia.

Acabo de aprobar o procedemento selectivo. Podo formular a solicitude?
Si, no prazo de 2 días hábiles desde a publicación da relación de persoas aprobadas
polo tribunal correspondente

Podo renunciar á comisión de servizos?

Si, no prazo establecido para estes efectos no concurso de adxudicación de destinos
provisionais con anterioridade á adxudicación definitiva.

15