Page 5 - ANPE adscrición e xornada díptico

PRÓLOGO

Cando Julio Díaz Escolante me propuxo realizar unha
actualización do Manual do profesorado galego aceptei
rapidamente cunha condición: que nesta actualización
participase tamén Mónica García Fernández.

Mónica García Fernández vén desempeñando un labor
encomiable na Subdirección Xeral de Recursos Humanos
desde hai máis dunha década, cunha dedicación e un
coñecemento moi profundo de toda a lexislación aplicable
ao persoal docente, pilotando a transformación de proce-
dementos ordinarios en procedementos electrónicos, que
permiten unha modernización e unha evolución da aplica-
ción das novas tecnoloxías na xestión.
Resumindo, que Mónica García Fernández e eu traballá-
semos, ao mesmo nivel de responsabilidade, na actuali-
zación do Manual do profesorado galego supoñía para min
unha enorme tranquilidade e unha garantía dun traballo
final de maior calidade.
O Manual actualízase nun momento no que se están a pro-
ducir cambios importantes. A aprobación da Lei 20/2021,
do 28 de decembro, de medidas urxentes para a redución
da temporalidade no emprego público, a declaración a
extinguir do corpo de profesores técnicos de formación
profesional, a creación do novo corpo de profesores espe-
cialistas en sectores singulares da formación profesional,
a integración do profesorado do corpo que se vai extinguir
de profesores técnicos de formación profesional son cues-
tións que se tratan neste manual, algunha delas condicio-
nadas a que determinadas normas se terminen aprobando
tal e como están nestes intres en tramitación.
Tamén será moi importante para o persoal interino e
para a xestión dos recursos humanos a adaptación que
se poida realizar da normativa do persoal docente ao
disposto no artigo 10, e na disposición adicional décimo
sétima do texto refundido da Lei do estatuto básico do
emprego público, segundo a redacción que lle deu a Lei
20/2021.

3