Manual do profesorado galego

63 DESPRAZAMENTO POR FALTA DE HORARIO VÉXASE O APARTADO DE “CONCURSO DE TRASLADOS” Que diferenzas hai entre o persoal docente desprazado por falta de horario e o persoal docente suprimido? O persoal desprazado non perde o seu destino definitivo e o persoal suprimido, si. Como consecuencia do anterior, o persoal docente desprazado pode deixar de selo en próximos cursos, por aumento de matrícula, por algunha xubilación no seu centro ou outras circunstancias, e xa permanece no centro co destino definitivo que nunca perdeu. O persoal docente suprimido, se se orixina unha praza no centro do que foi suprimido, terá que obtela por concurso de traslados. O persoal docente desprazado por falta de horario que exerza o dereito preferente poderá renunciar á participación no concurso nas catro primeiras convocatorias desde que se produciu o desprazamento. No entanto, o persoal docente suprimido non pode renunciar. Por outra parte, ambos os dous participan cos mesmos dereitos no concurso de traslados. Cando se considera que un persoal docente é desprazado por falta de horario? Considérase que un profesor ou profesora non ten horario no seu centro cando non dis- poña de ningunha hora da súa especialidade. Así mesmo, considérase desprazado por falta de horario o profesorado que dispoña de menos de cinco sesións lectivas da súa especialidade e que estas poidan ser asumidas por profesorado doutro departamento. A persoa docente desprazada por falta de horario pode ser desprazada forzosamente a unha localidade distinta daquela na que ten destino definitivo? Non. O persoal docente desprazado por falta de horario participará obrigatoriamente no concurso de traslados? Si, agás no suposto previsto habitualmente na convocatoria do concurso; cando haxa unha persoa con destino definitivo no seu centro, do mesmo corpo e especialidade, nacida nunha determinada data.