Manual do profesorado galego

41 Nos supostos anteriores, se en lugar de tratarse dunha persoa suprimida fose unha persoa desprazada por falta de horario, como sería a puntuación da permanencia ininterrompida? Igual que a persoa suprimida. O persoal docente funcionario de carreira que participa no concurso de traslados desde o seu primeiro destino definitivo, ademais da puntuación da permanencia inin- terrompida, correspóndelle outra puntuación? Si. Terá puntuación polos anos de servizo que estivese como provisional no apartado 1.1.2. No apartado 1.1.2 do baremo, relativo a cada ano como persoal funcionario de carreira en situación de provisionalidade, compútanse os anos de servizos prestados como persoal interino? Non. No apartado 1.2 do baremo do concurso de traslados, relativo á antigüidade no corpo, compútanse os servizos prestados como persoal funcionario interino? Si. Sentenza 735/2014, do 17 de decembro, Sección Primeira, Sala do Contencio- so-Administrativo do Tribunal Superior de Xustiza de Galicia. Unha persoa funcionaria de carreira estivo no centro A 5 anos con destino definitivo. Posteriormente, por concurso de traslados, estivo 7 anos en B. En B foi suprimido, estivo 2 anos suprimido e acadou destino en C. Neste último centro C leva 2 anos con destino definitivo. Quere participar no concurso de traslados. Con que puntuación participará no apartado de permanencia ininterrompida? Coa puntuación que corresponda a 11 anos de permanencia ininterrompida. É dicir, para os efectos da puntuación de permanencia ininterrompida participa desde o centro B. No punto 1.1 do anexo I Real decreto 1364/2010, establécese: “Nos supostos do primeiro destino definitivo obtido tras a supresión da praza ou posto que se viñese desempeñando anteriormente con carácter definitivo consideráranse como servizos prestados no centro desde o que se concursa, os servizos que se acrediten no centro en que lle se suprimiu a praza e, se é o caso, os prestados con carácter provisional con posterioridade á citada supresión". O dito no apartado anterior sería de aplicación ao profesorado desprazado por falta de horario? Si.