Manual do profesorado galego

132 SUPRESIÓN DE POSTOS Nun CRA, no caso de supresión, queda suprimida a persoa con menor antigüidade ininterrompida no centro ou a que desempeña precisamente a unidade que resulta suprimida? Quedaría a persoa con menor antigüidade ininterrompida no centro. A Dirección Xeral de Persoal, nun escrito do 27 de xuño de 2003, contesta o seguinte: “Como consecuencia do exposto, e en resposta á consulta formulada, esta dirección xeral resolve que os colexios rurais agrupados son un único colexio, para os efec- tos de determinar entre varios mestres que ocupan prazas da mesma especialidade quen é a persoa afectada por unha circunstancia que implica a perda provisional ou definitiva de destino”. Coa normativa actualmente vixente, artigo 3 do Decreto 140/2006, do 31 de agosto, aplicaríanse sucesivamente os seguintes criterios: a) Menor antigüidade ininterrompida, como definitivo, no CRA. b) Menor tempo de servizos como persoal funcionario de carreira do corpo de mestres. c) Ano máis recente de ingreso no corpo. d) A menor existencia de cargas familiares, nomeadamente, menores de 6 anos e persoas con discapacidades severas. e) Menor puntuación obtida no procedemento selectivo a través do que se ingresou no corpo. O persoal funcionario docente suprimido poderá ser desprazado provisionalmente da zona educativa? Forzosamente, non, sempre que cumpran coa obriga de participar no concurso de traslados e exerzan o dereito preferente. Voluntariamente, si. O artigo 8.4 do Decreto 140/2006, do 31 de agosto, establece que ás persoas que, cumprindo coa obriga de concursar, exerzan o dereito preferente non lles será adxu- dicado destino de oficio. Mentres non obteñan destino definitivo, seralles adxudicado destino provisional na localidade ou, no caso de persoal funcionario do corpo de mestres, zona educativa. Nun centro hai unha persoa funcionaria do corpo de mestres A suprimida, que estivo 6 anos con destino definitivo neste. Posteriormente estivo 4 con destino definitivo noutro centro e logo acadou novamente destino definitivo no centro inicial no que leva 2 anos.