Manual do profesorado galego

125 A sanción de separación do servizo do persoal interino comporta a revogación do nomeamento e, ademais… A exclusión definitiva da totalidade das listas de espera ou bolsas de emprego. A sanción de suspensión de funcións do persoal funcionario interino por falta moi grave supón… A exclusión da totalidade das listas de espera ou bolsas de emprego que se encontren vixentes no momento de impoñerse a sanción polo mesmo período de duración desta. A sanción de suspensión de funcións do persoal funcionario interino por falta grave supon… A exclusión da totalidade das listas de espera ou bolsas de emprego que se encontren vixentes no momento de impoñerse a sanción por un período dun ano e un día, ou polo tempo da suspensión se este é maior. A suspensión de funcións do persoal funcionario interino por un período inferior a 15 días pola comisión dunha falta leve implica a revogación do nomeamento de persoal interino? Non. Esta suspensión de funcións ao persoal funcionario interino por comisión dunha falta leve implica tamén a exclusión da totalidade das listas de espera que se encontren vixentes no momento de impoñerse a sanción por un período máximo dun ano. En que momento se executaría esta exclusión? No momento do cesamento como persoal funcionario interino.