Manual do profesorado galego

110 PROFESORADO ITINERANTE É persoal docente itinerante todo o persoal que presta servizos en máis dun centro educativo? Non. Hai que desempeñar postos de traballo que comprenden máis dun centro educa- tivo situados en distinta localidade e que implican desprazamentos habituais desde un centro base a outro ou outros centros públicos nos que imparten docencia ou realizan actuacións de atención directa co alumnado. O profesorado de Relixión pode ter a consideración de profesorado itinerante? Si. Que profesorado se considera, en todo caso, itinerante? O profesorado que imparte docencia nos colexios rurais agrupados e as orientadoras o orientadores que teñan centros adscritos ou presten servizos en centros compar- tidos. No concurso de traslados, considéranse itinerantes todos os postos dos colexios rurais agrupados? Non. Non se consideran itinerantes os postos das especialidades de Educación Infan- til e de Educación Primaria. Cal é a compensación horaria lectiva semanal do profesorado itinerante? – Ata 50 km: 2 horas – Desde 51 km ata 100 Km: 3 horas – Desde 101 km ata 150 Km: 4 horas – Máis de 150 km: 5 horas A redución de horario lectivo do profesorado itinerante pode implicar un incremento do horario complementario fixo? Non.